الدنيا
الايام بتمر والدنيا بتتغير
وبنتعلم فلسفة الحياة
ونفهم اد ايه الدنيا غريبة
بتحس بنفسك وانت بتكبر وافكارك بتتغير
وكل ما بنكبر كل ما بتزيد ساعات الوحدة
وبيزيد الحنين لذكريات زمان
بنفتكر كل حاجة سواء كانت حلوة او وحشة
وبتفهم الناس اكتر
وتكتشف حاجات عمرك ما كنت بتفكر فيها
العمر بيفضل يعدي بيك وتقابل ناس
تفتكر ان مفيش زيهم في الحياة
والسنة الللي بعديها تقابل ناس تانية وبردو تفتكر ان مفيش زيهم في الحياة
وزي ما بنقابل ناس كمان بنسيب ناس
ولما نسيبهم نحس اننا ضيعنا ثروة كبيرة كانت معانا
الانسان بيختار حياته بيديه
ناس بتندم على اختيارها
وناس بتكون اختارت صح
وناس بترضه باللي ربنا قسمه لها
احيانا الواحد بيختار حياه يفتكر انها احسن من حياته القديمة
بس لما ينغمس فيها يحس ان حياته القديمة الكان بيتبطر عليها كانت احسن كتيييير
وفي الاخر دنيا بنعشها لوجه الله